Saltatu eta joan eduki nagusira

BATERIA GOZO GOZOAK

Bateria gozo-gozoak
Elhuyar Zientzia
Y.H. Percival Zhang (eskuinean) lankide batekinArg. Virginia Tech College of Agriculture and Life Sciences
Virginiako Institutu Politekniko eta Unibertsitatearen ikerketa-talde batek, azukrearekin dabilen bateria garatu du. Energia  metatzeko gaitasun handia dute bateria berriek, eta birkargatzeko modukoak eta biodegradagarriak ere badira. Hortaz, baliteke etorkizunean ohiko baterien ordezko bihurtzea.
Y. H. Percival Zhang irakasleak gidatutako taldearen ikerketa, Nature Communications aldizkarian argitaratu da. Ikertzailearen arabera, erabateko zentzua du ingurumenean eraginik ez duten azukrezko bateriak erabiltzen hastea, “azukrea naturak energia metatzeko duen konposatu perfektua delako”.
Azukrezko bateriak garatu ahal izateko, Zhang-en taldeak azken urteotan leial izan zaion lan-ildoari jarraitu dio: naturan dauden entzimak nahastea, naturan ez dauden konbinazioetan. Kasu honetan entzima sintetiko bat eraiki zuten, erreakzioaren katalizatzaile modura joka zezan. Entzima horrek, entzimaz osatutako erregai piletan, azukrearen karga-potentzial guztiak erabiltzeko aukera ematen du.  
Gainerako erregai-pilen antzera, azukrezko bateriak airea eta erregaia –maltodextrina, kasu honetan– konbinatzen ditu elektrizitatea eta ura sortzeko.
Azukrezko bateriek ez dute leher egiteko arriskurik, ez dira sukoiak eta energia metatzeko gaitasun handiagoa dute. Kontuan hartuta urtero milioika direla zaborretara botatzen diren bateriak, ingurumenaren ikuspegitik azukrezko bateriak irtenbide egokia dirudite.
Azukrez egindako bateriak, berez, ez dira ezer berria,  baina Virginia Tech-eko ikerketa-taldeak garatu dituenak, orain arte aurkeztu direnak baino askoz ere gaitasun handiagoa dute, telefono mugikorrak birkargatzeko. Percival Zhang berak, 2008an, azukretik abiatuta hidrogenoa lortzeko bidea aurkeztu zuen, esanez etorkizunean petroliotik eratorritako erregaiak ordezkatzeko gai izango zirela.


Iruzkinak

Blog honetako argitalpen ezagunak

Ezekiel liburuaren ohar-kritikoa

Egilea: Jasone Osoro  Izenburua: Ezekiel Argitaletxea: Elkar Urtea: 2009  Bilduma: Bihotz Taupadak

Ezekielek hamalau urte ditu. Etxean amarekin eta bere arrebarekin bizi da. Egun baten Ezekielek eta bere lagun-taldeak apustu bat egiten dute,  ea nor den neska bati musu ematen dion lehenengoa. Ezekielen lagun-taldeko inork oraindik ez dio musurik eman neska bati. Elena Ezekielen gelako laguna da, eta biek historiako lan bat elkarrekin egin behar dute. Ondorioz elkarrekin denbora asko ematen dute. Amaieran zer pasatuko da? Nor izango da musua ematen duen lehenengoa?

Animatu eta irakurri Ezekielen liburua dibertigarria delako, eta zalantzarik gabe, ziur aski azkenean liburuan nola amaitzen den   jakin nahiko duzu.

Ouafae Lahhit                       2014ko abenduaren 12a

Zenbat planeta daude unibertsoan?

Sei urtez ikertzen jardun ondoren 100.000 milioi planeta daudela gure galaxian kalkulatu dute zientzialariek.