IJITOEN ALTXORRA

Izenburua: Ijitoen Altxorra

Egilea: Aitor Arana       

Argitaletxea: Ibaizabal  

                                               

Liburu honetako protagonista neska

bat da, bera ijitoa da. Neska horren

arbasoek altxor bat utzi zuten, eta bera

oso azkarra denez, altxorra aurkitzen

ahaleginduko da. Bere benetako lagunak

eta berak biek elkarrekin lortuko dute

altxor hori aurkitzea.

Gure protagonista Teresa izeneko neska bat da, aldaketa handiak bizitzen ari da bere familian, izan ere amona hil egin da eta triste samar dago. Gainera amonaren heriotzari buruz etxean ez dute asko hitz egiten. Bestetik,  ikastetxez aldatu da, eta Teresari ez zaio ikastetxe hau bestea beste gustatzen. Asko kostatu zaio bertan ijitoa dela esatea.

Horrez gain, gelako mutil batez maitemindu da, mutil horrek ordea ez dio kasurik egiten.  Baina Teresak bere ikastetxe berrian lagun berri bat egin du Tomas deiturikoa, eta oso jatorra iruditzen zaio.

Ikastetxeko eta maitasunaren gaiez gain, badu beste buruko min bat:  George Borrow izeneko bere arbasoen berri izan du, gertakari berezien zurrunbiloan dago eta, bere jakintzaz jabetzeaz gain, ikusiko dugu benetan nor maite duen . Nor izango ote da Teresa maite duen pertsona? Zer gertatuko da Teresa eta Tomasekin?Zer gertatuko da altxorrarekin? Zer egongo ote da?

Niri liburu hau asko gustatu zait, oso interesgarria iruditu zaidalako. Hasieran liburua irakurtzean, ez dut oso ondo ulertu baina liburua irakurtzen jarraitu dudanean, interesgarriagoa iruditu zait.

Ijitoen munduan murgiltzen den istorioa denez, asko gustatu zait. Gainera intriga askoko  liburua da, abenturazko zatiak ditu  eta misteriozko gertaerak ere baditu. Zuri ere horrelakoak gustatuz gero, badakizu zer egin animatu eta irakurri!